ننقل لكم تجربة احد الأخوان من مقاطعة Sachsen الذي حصل على الجنسية الألمانية
عسى ان تكون هذه التجربة ونقلها ذو فائدة لكم ولتحفيزكم للحصول على الجنسية في المانيا..
الحمد لله رب العالمين وعقبال الجميع يارب
تجربتي مع الجنسية الألمانية في مدينة Dresden في مقاطعة Sachsen خلال 6 سنوات.
تاريخ دخول ألمانيا 01.07.2014، تاريخ التقديم على طلب اللجوء (طبعاً من هاد التاريخ يحتسب) 02.07.2014، تاريخ التقديم 14.12.2020،
تاريخ الحصول على الجنسية 04.02.2021 يعني تقريباً بعد شهر ونص.
رح اشرح النقاط الاساسية بخصوص هالموضوع وبتمنى اللي عند اي سؤال يطرحها ورح اجاوب عليهن كلهن انشالله…
طبعاً اول وأهم شرط انو اذا الواحد بس يصير ألماني هذا لا يعتبر انو الواحد لازم يغير تصرفاتو
واخلاقو ومعاملتو مع الآخرين واجمل ما قيل عن الاخلاق: تواضع عن رفعة وازهد في حكمة، وانصف عن قوة واعف عن قدرة… ودمتم سالمين
قدمت على الجنسية بعد 6 سنين إقامة بألمانيا، علماً أنا سنة تالتة أوسبيلدونغ معلوماتية وعم
اشتغل دليفري ميني جوب وعندي أكتر من شغلة عملتها تطوعي متل المطالعة امام الطلاب في مدرسة الاطفال او العمل كمترجم في فعاليات رسمية (طبعاً سألت الموظف انو هاد الشي ضروري قالو انو العمل التطوعي مو شرط وما اخدن بعين الاعتبار
وما اخد الاوراق اللي بيتعلق بالأمور التطوعية بس انو كنت كاتبو بالسيرة الذاتية).
للتنويه: انا ما عندي جواز سوري!
الأوراق اللي طلبها الموظف كانت كالتالي:
•طلب التجنيس Einbürgerungsantrag.
•بيان راتب أخر 3 شهور Lohnabrechnungen.
•كشف حساب البنك أخر 3 شهور Kontoauszug.
•بيان ولادة “Geburtsurkunde“ مع تصديق في السفارة !!الألمانية!! في بيروت مع ترجمة (طبعاً الاوراق رح تترجم مرتين مرة مشان السفارة ومرة بعد ما يتصدق وهون حصراً لازم يكون ترجمة في ألمانيا)
•سيرة ذاتية “Lebenslauf“.
•نسخة عن الإقامة وجواز السفر الألماني (الاقامة المفتوحة مو شرط… بس الاقامة شرط يعني اذا معك اوزفايز اخضر مرفوط، حصراً بطاقة وجواز)
• عقود العمل وعقد الآجار
بالنسبة لشهادة اللغة أنا دارس صف لحد عاشر بسوريا. قبل الأوسبيلدونغ كنت بشتغل بمسرح كمترجم ، ومعي شهادة B2 قديمة بس الموظف قيم لغتي C1 واكتفى بالشروط الـ B2 وماضروري اكتر.
• شهادات النصفية تبع المدرسة المهنية (Berufsschule)
• (طبعاً هي التفاصيل بتلاقوها عالورقة وطريقة الطلب)
• وكذلك السياسي مطلوب
