كيفية الحصول على سكن في ألمانيا .. أسرار + روابط أهم المواقع
يعتبر الحصول على سكن بألمانيا من أصعب الأمور اللي يواجهها معظم الأشخاص سواء طالب او لاجئ او عامل أو شخص جاي بعقد عمل.
طبعا السبب بسيط وهو قلة الشقق بألمانيا وبسبب العدد الكبير من المتقدّمين على شقق وبسبب القوانين الصارمة بالإيجارات.
في البدابة وقبل كل شيء لازم نعرف شو المطلوب للحصول على سكن في المانيا
أغلب المكاتب والمالكين بيطلبوا:
- الشوفا (سجلك المالي)
- بيان راتب أو عقد عمل / Ausbildung / منحة
- جواز + إقامة
- ملف Selbst-Auskunft (بيانات شخصية)
- أي إثبات يثبت قدرتك على الدفع
ملاحظة:إذا كنت جديد بالمانيا وما عندك شوفا لا تقلق الموضوع بسيط في مواقع بتقبل تأجر بدون الشوفا ورح أذكرها لكم اسفل المقال.
أسرار تزيد فرصتك بالحصول على سكن بشكل اسرع في المانيا
1. لازم تقدّم على الشقة أول 10 دقائق
بألمانيا الإعلانات بتنزل وبنفس الساعة ممكن يقدّم عليها 100 شخص لهيك إذا قدمت بعد ساعات رح تكون فرصتك بالحصول على سكن صفر تقريبا.
2. استخدم Template جاهز للرسالة
اغلب الناس بتكتب رسائل قصيرة مثل:
Hello, I want this flat طبعا هيك رح يتم تجاهلك مباشرةالرسالة الصحيحة لازم تكون جاهزة وموضح فيها الامور التالية:
- مين انت
- كم دخلك
- شو سبب انتقالك
- تثبتلهم انك ملتزم بالدفع
- تشرحلهم انك هادي وما بتعمل إزعاج
- اكتب عدد الأشخاص
- اكتب من أي دولة انت
3. دائماً استخدم فلتر "Neueste zuerst" يعني الأحدث اولا خلال البحث عن سكن بالمواقع
4. خليك مركز على المدن الصغيرة حوالي المدن الكبيرة
مثلا بدل برلين ابحث في براندنبورغ او كوتبوس او بوتسدام هيك فرصتك بتكون أعلى وكمان الايجارات أقل.
5. وانت بتبحث على شقة استخدم مواقع بديلة ما حدا بنتبه لها
رح حطلكم روابطها تحت.
أقوى وافضل مواقع البحث على سكن في ألمانيا (2025)
موقع ImmoScout24 يعتبر أكبر موقع شقق في ألمانيا
رابط الموقع : https://www.immobilienscout24.de
موقع ImmoWelt بديل ثاني وقوي كتير وفي شقق ما بتلاقيها في الموقع الأول سكوت.
رابط الموقع: https://www.immowelt.de
موقع WG-Gesucht يعتبر أفضل خيار للناس الي بتدور ع غرف مشتركة سريع ومناسب للطلاب والشباب.
رابط الموقع: https://www.wg-gesucht.de
موقع eBay Kleinanzeigen موقع ممتاز وبتلاقي في آلاف الشقق المؤقتة والدائمة.
رابط الموقع: https://www.kleinanzeigen.de
موقع Wunderflats مناسب للأشخاص الي عم تدور ع سكن مفروش بدون شوفا وجاهز للسكن فوراً
رابط الموقع: https://www.wunderflats.com
موقع HousingAnywhere هاد الموقع بتلاقي في شقق مؤقتة وطويلة مناسب للطلاب والعاملين
رابط الموقع: https://housinganywhere.com/
موقع Nestpick هاد الموقع يعرض شقق مفروشة
رابط الموقع: https://www.nestpick.com
سكن مدعوم (Sozialwohnung) مناسب إذا كان دخلك منخفض.
رابط الموقع: https://www.wohnung-foerderung.de
طريقة التقدم الصحيحة للحصول على سكن في المانيا.
اول خطوة لازم تعملها هي انك تحضر ملف PDF جاهز يضم:
- عقد العمل / الدراسة
- جواز + إقامة
- الشوفا
- السيرة الذاتية
- رسالة قصيرة “Warum Sie?” (ليش يختاروك)
ثاني خطوة اكتب رسالة احترافية بتزيد نسبة قبولك
ثالث خطوة بدك تقدم على 10–15 شقة يوميا لحتى تزيد نسبة انهم يردو عليك، الناس بتقدم على 200 شقة ليحصلوا على 3 ردود فقط وههذا امر طبيعي.
رابع خطوة إحضر Termin المعاينة
البنود اللي لازم تسأل عنها:
- هل فيها Nebenkosten ضمن الإيجار؟
- كم مدة العقد؟
- هل في Kaution (تأمين)؟
- هل المطبخ موجود؟
نصائح لزيادة نسبة حصولك على سكن في المانيا.
- دير بالك لا تقدم على شقق غالية أكثر من دخلك لانهم يرفضوك مباشرة.
- قدم على شقق بعيدة 15–30 دقيقة عن مركز المدينة بتكون فرصتك بالحصول على سكن بالمانيا أعلى.
- إذا عندك طفل صغير اكتب أنك هادي وما بتعمل إزعاج لانو المالكين حساسين وما بحبو الإزعاج.
- حاول تحجز “Schufa Sofort”ما بتاخذ 5 دقائق.
لو انت جديد في ألمانيا وما عندك عقد نهائي… استخدم شقق مؤقتة أول شهرين موقع Wunderflats و Nestpick الأفضل لهاي المدة.
خلاصة الموضوع
حصولك على سكن في ألمانيا مش مستحيل بس بدك تفهم السوق منيح واتبع الخطوات الي تم شرحها بشكل دقيق:
- قدم بسرعة
- استخدم رسالة احترافية
- ركز على المدن الصغيرة لحتى تزيد نسبة الرد
- استخدم مواقع غير مشهورة ما بكون عليها ضغط
- حضر ملفك بشكل كامل
- لو انت جديد جرب ابحث عن شقق مفروشة مؤقتة
